Leiguskilmálar

Leigutímabil og skil

Leigutímabil hefst þegar tækið er afhent og lýkur þegar því hefur verið skilað til Kistufells eða það sótt á verkstað. Tæki skal skila á umsömdum skiladegi fyrir kl. 12:00 nema um annað sé samið. Fari leigutími fram yfir umsaminn skiladag reiknast leiga fyrir hvern byrjaðan dag.

Ábyrgð leigutaka

Leigutaki ber ábyrgð á tækinu frá afhendingu til skila og skal fara vel með það og nota það eingöngu í þeim tilgangi sem það er ætlað. Leigutaki ber ábyrgð á tjóni sem verður á tækinu á leigutíma, öðru en eðlilegu sliti.

Tryggingar og eigin áhætta

Tækin eru tryggð af Kistufelli. Verði tjón á tæki á leigutíma greiðir leigutaki eigin áhættu samkvæmt gildandi verðskrá Kistufells. Tjón sem rekja má til rangrar notkunar eða gáleysis greiðir leigutaki að fullu.

Þrif, hleðsla og eldsneyti

Tæki skal skilað hreinu og fullhlöðnu eða með fullan tank. Sé tæki skilað óhreinu, með ónæga hleðslu eða eldsneyti innheimtir Kistufell gjald fyrir þrif, hleðslu eða eldsneyti samkvæmt verðskrá.

Notkunartími

Leiguverð miðast við eðlilega notkun á dagvinnutíma, að hámarki 8 klst. á dag nema um annað sé samið.

Afbókanir

Afbókun skal berast Kistufelli eins fljótt og hægt er. Afbókun sem berst minna en 24 klst. fyrir afhendingu getur verið innheimt sem einn leigudagur og flutningskostnaður sem fallið hefur til.

Réttindi og þekking

Leigutaki ber ábyrgð á því að þeir sem nota tækið hafi tilskilin réttindi og þekkingu til að stjórna því, í samræmi við reglur Vinnueftirlitsins. Leigutaki ber ábyrgð á öryggi á vinnusvæði.

Staðfesting

Leigubeiðni er ekki bindandi fyrr en Kistufell hefur yfirfarið hana og staðfest að tækið sé laust. Staðfesting með endanlegu verði og leigutímabili er send í tölvupósti.